alis!!!!

Ano ang mas nakakatakot, ang mga taong matiwasay na namamayapa na o ang mga taong bahagi ng mapait na nakaraan? Naitanong ko lang dahil sa nararanasan ko ngayon. Takot ako na harapin ang katotohanan na bahagi ako ng isang pangyayari na muntik ng sumira sa aking pagkatao. Hirap, sakit, sama ng loob at galit ang nararamdaman ko ngayon, dahil may isang taong pilit na bumabalik. Bakit pa? Maayos na ang buhay namin, nalagpasan namin ang maraming taon na wala siya at masaya na naming hinaharap ang bukas na wala rin siya.

Sana nanatili na lang siyang wala sa buhay namin para maski pag-alala na ginagawa namin sa patay ay naibigay namin sa kanya na walang halong pait at galit.